Пыдди пуктана велӧдысьяс!

Сентябрь тӧлысь кежлӧ лоӧ дасьтӧма 2-ӧд да 6-ӧд классъяслы выль учебникъяс (челядьлы, кодъяс велӧдӧны коми кывсӧ кыдз абу чужан кыв). Шыӧдчам тіян дорӧ татшӧм юалӧмӧн: эмӧсь-ӧ тіян пӧвстын тайӧ учебниксӧ апробируйтны кӧсйысьяс?

Апробируйан уджыс мунас велӧдчан во чӧж. Медводз, быть лоӧ нуӧдны "дневник апробатора". Мӧд-кӧ, во помын ковмас дасьтыны сетӧм форма серти экспертнӧй заключение. Таысь кындзи нӧшта, ковмас дасьтыны конспектъяс да кыкысь волыны семинар вылӧ.

Учебниксӧ апробируйтӧмыс лоӧ официальнӧя оформитӧма Министерство приказӧн.

Уджсӧ бура да колана ногӧн вӧчӧмысь тіянлы сетасны аттьӧалана кыв, коді лоӧ подтверждениеӧн республика тшупӧдын экспериментальнӧй удж нуӧдӧм йылысь. Таысь велӧдысьяслы сетсьӧ 3 балл аттестуйчигӧн. Семинар вылын докладъясӧн выступайтӧмысь тшӧтш лоӧ сертификат. Тайӧ нин республика тшупӧдын асланыд опытӧн юксьӧм йылысь подтверждение, тшӧтш 3 балл. Ыстӧм конспектъясыд лоӧ йӧзӧдама велӧдысьлы методичкаын, коді ваяс тіянлы нӧшта 3 балл.

Окотитысьясӧс корам гижны creko@kriro.ru электроннӧй адрес вылӧ да ВКонтакте группаӧ.