Пыдди пуктана велöдысьяс, дона велöдчысьяс да налӧн бать-мам! Тэрмасям юксьыны тiянкöд выльторйӧн! Лои йӧзӧдӧма 5-ӧд класслы выль велӧдчан небӧг. Авторъясыс: Т.В. Якубив, Т.Д. Поликарпова да Ю.А. Бызова. Учебниксӧ лöсьöдöма роч челядьлы, кодъяс велöдöны коми кыв кыдз абу чужан кыв. Матысса кадö небӧгыс воас республикаса школаяссö. Учебник дорö дасьтöма аудио сопровождение, кодӧс позяс аддзыны «Коми школа» этнокультурнӧй портал вылысь. Аудио материал ловзьöдас коми кыв урокъястö, сетас позянлун кывзыны коми кывлысь юрганногсö, велӧдас роч челядьӧс стӧча шуавны коми шыяссӧ. Аудио материалӧн позяс вӧдитчыны кыдз урокъяс вылын, сідзи и гортса удж вӧчигӧн.